لقت قصة الفتاة “سماح” التي تعرضت للاغتصاب قرب محطة باب عليوة يوم 20 مارس مارس، والتي ظهرت الأمس في برنامج الحقائق الأربعة تعاطفا كبيرا وواضحا من المشاهدين على مواقع التواصل الاجتماعي.
وفي هذا الاطار وجهت الضحية نداء عبر موقعنا “الحصري” :
“أنا “سماح” أكيد توا كلكم وليتو تعرفوني و تعرفو حكايتي ألي تعدات البارح في الحقائق الأربعة تعرضت لعملية اغتصاب وعنف انجر عنها برشا أضرار نفسية وجسدية ولتوا نعاني رغملي عملت عمليتين ومازالت رحلة علاجي شاقة وطويلة
أولا نحب نشكر العباد الي بعثولي ميساجات يساندو ويطمنو في نشكركم على تفاعلكم.
وبعد نطلب منكم ومن المنظمات الحقوقية والمدافعة على حقوق الإنسان والمرأة والى يحب يعاونوني لكل ياقفو معايا ويساندوني ماديا ومعنويا لين هلمجرمة والوحوش تتسلط عليهم أقصى العقوبات مكانشي الي صار على باش يصير على بنات أخرين كان الدولة والسلطات الأمنية ما وقفتهمش عند حدهم.
ولينا عايشين في بلاد ما عادش حاسين فيها بحتى طرف أمن خاطر المجرمة المسيبة ترتع فيها.
أنا إن شاء الله ربي يعطيني القوة باش نكمل نحارب وناخو حقي منهم بالقانون أما يلزم انتم تاقفو معايا خاطر يد وحدة متصفقش.
الي يحب يعاوني حتى بالكلمة ينجم يكلمني على النومرو هاذا 161 291 56″.
