بعد تفاقم الأزمة المالية للافريقي والغموض الكبير الذي يلفّ قضايا ” الفيفا ” وعددها وتوقيت البتّ فيها ، نشر علي علولو الناطق الرسمي السابق للهيئة التسييرية للنادي الافريقي توضيحا كشف فيه كل المعاملات المالية والصفقات التي قامت بها الهيئة التسييرية خلال اشرافها على النادي منذ منتصف الى نهاية الموسم الماضي .
ونشر علولو عبر صفحته الرسمية ما يلي :
بعض التوضيحات لجمهور النادي الافريقي بش ما يغلطوهش مسؤولين سفهاء وكذابة عار بش يمثلو النادي الافريقي والا بعض الصحافيين أو المدونين عن سوء أو حسن نية.
– صابر خليفة: صابر في جانفي 2018 كان يسالنا 500 مليون وكان ينجم يفسّخ من غير موافقة الافريقي وزادو جاوه زوز عروض باهين من الخليج. ورغم هذا قعدنا معاه وتفاهمنا معاه بش يقعد ويتنازل على 300 مليون و يزيد عام بنصف المبلغ متاع العقد القديم وكان عندو شرط واحد بند تسريحي ضعيف (150 الف دولار) اذا جاه عقد مغري من الخليج وما كان حد ينجم يرفضلو في الوقت هاذاكا وهذا اللي صار جاه عرض باهي وهو زاد شرط عليهم بش يدفعو للافريقي 200 موش 150 الف دولار…
-معتز الزمزمي: جات الهيئة التسييرية تلقا في عقدو مازالو 7 شهور. هيئة سي الرياحي والخليفي وتنجم تقول اليونسي (خرج في أوت 2017) ما جددولوش !!!!!
التسييرية شهرين تفاوض فيه وهو طالب عقد أقوى بياسر من العيادي وخليل… جا عرض في جانفي من ستراسبورغ وهو مازالو 5 شهور ويولي حرّ تبيعو ب 600 مليون ولا تخليه يمشي بلاش بعد 5شهور؟!!!!
-تجديد العقود: نجحنا في البعض (وذرفي وغازي وصابر) وفما برشا منهم كيف تقا وخليل وغيرهم قالو ما نجددو كان بعد الانتخابات…
-ماركو سيموني:
ناس في الافريقي والحكاية بين رياحي ، خليفي ورضا دريدي
عملو لسيموني عقد ما فيهش بند لفسخ العقد معناها اتطردو تخلصو في عامين كاملين. معناها السيد هذا من نهارة اللي صحح يعرف اللي باش ياخذ من النادي الافريقي 600 ألف أورو. ووصلنا لفترة كان يقعد ما شين للهاوية و ما فماش خيار كان يمشي. معناها اللي يحب يلوم الناس المجرمين في حق النادي اللي جابوه وعملولو عقد كيما هذا
– اوبوكو: في هاذي نضحك كيف نرا ناس تلوم كيفاش تباع؟!
معناها 3 مليارات (ثاني اكبر صفقة في تاريخ النادي) ولاو شوية في الافريقي خاصة في الظرف هذا.
[[{“fid”:”45550″,”view_mode”:”default”,”fields”:{“format”:”default”,”field_file_image_alt_text[und][0][value]”:false,”field_file_image_title_text[und][0][value]”:false},”type”:”media”,”field_deltas”:{“1”:{“format”:”default”,”field_file_image_alt_text[und][0][value]”:false,”field_file_image_title_text[und][0][value]”:false}},”link_text”:null,”attributes”:{“height”:496,”width”:499,”class”:”media-element file-default”,”data-delta”:”1″}}]]
