كتب النائب عن ائتلاف الكرامة على صفحته الخاصة في هذا اليوم الخميس 29 أفريل 2021 تدوينة ألمح من خلالها بصفة ضمنيّة إلى أن مديرة ديوان رئيس الجمهورية نادية عكاشة ” لها يد ” في إطلاق سراح سامي الفهري مستغربا في نفس الوقت كيف جرت الأمور بهذا الشكل وبهذه السرعة فيتم إطلاق سراحه بعد حكم بالسجن 8 سنوات .
وكتب يسري الدالي ما يلي :
” من مدة خرجت حكاية مقابلة رئيسة ديوان الرئيس نادية عكاشة السجين سامي الفهري في حبس المرناقية، وقتها برشا قالو مش صحيح وبرا قابلتو شعندها تعمللو..
أحنا كالعادة ما قلنا شي أما سئلنا وزيرة العدل في جلسة استماع تعدات مباشر في صفحة المجلس، سئلناها على صحة حكاية لقاء عكاشة والفهري، والوزيرة أكدت انو اللقاء تم خلال زيارة الرئيس لسجن المرناقية..
وبحكم كل شي ولا يصير صدفة في بلادنا، هاو باش نتبعو الخيط..
صدفة نادية عكاشة خلال مرافقتها للرئيس لحبس المرناقية تقابل سامي الفهري، وصدفة يقعدو يحكو مع بعضهم، وصدفة يطول الحديث بيناتهم لين فاح الخبر..
باعد صدفة الناس تحكي على صفقة بين نادية والفهري وانو باش يخرج على قريب، وصدفة طبعا اليوم محكمة الاستئناف استمعت لسامي الفهري في قضية كاكتوس، في جلسة استعجالية..
وأكيد صدفة يا سبحان الله صار كيما توقعنا صدفة يتم إطلاق سراح الفهري..
عاد يا سيدي بن سيدي، كل صدفة وأنتم حيين بخير والله لا يقطعلنا صدفة.
كل شي واضح تو..حكم ب8 سنين وبعد استئناف وتسريع في الاجراءات وتحديد جلسة وبعد طلب افراج …وبعد افراج
ومع ذلك حبينا نسئلو بربي فيلم الصدف هذا مازال متواصل؟ والا آخر حلقة؟
#إلي_بعدو
6868
4 commentaires
21 partages
