كشف الاعلامي برهان بسيس في برنامج كابوتشينو على موجات ” اذاعة كاب اف ام ” أن أغنية ” لسنا للبيع ” لفنان الراب “كلاي بي بي جي ” تمّ تمويلها من طرف رجل الاعمال شفيق الجراية وذلك في اطار تصفية حساباته السياسية مع حصومة السياسيين .
وقال بسيّس ان الجراية موّل الاغنية خلال الحملة الانتخابية الاخيرة وصدرت في ” سياق معيّن ” وكلّها ” بيع وشراء ” وفق تعبيره .
جدير بالذكر ان كلمات أغنية ” لسنا للبيع ” حملت انتقادات وشتائم لرئيس الاتحاد الوطني الحر سليم الرياحي ولفنان الراب “كافون ” .
من جهته أصدر امين مطيراوي عبر صفحته الرسمية التوضيح التالي باعتبار أنه ظهر في ” الكليب ” : ” للتاريخ و بما اني معني بالأمر …الفيديو هذا اللي تقال فيه برشة صحيح و برشة غالط و ماش نتحمل المسؤولية التاريخية خاطر اسمي تجبد …عزيز عمامي طلب باش يقابل شفيق الجراية و كان له ما أراد…و طلب منو 5 ملاين باش يصور كليب و غناية راب يتسب فيها سليم الرياحي …وقتها شفيق و سليم متعاركين و شفيق مد الفلوس في إطار تشجيع الشباب الثائر بعد ما سعى عزيز انو يقابلو و اقترح عليه الفكرة بمنطق الخوف على البلاد من أموال سليم الرياحي …(صاحب الفكرة عزيز عمامي موش شفيق ) …شفيق ما يعرفش حتى شكونو مغني الراب اللي ماش يغنيها…المهم في هذا الامر انو كلاي bbj ما فيبالوش بالحكاية…كلاي غنى ضد سليم على خاطرو محب للنادي الافريقي و هو نفس السبب اللي خلاني نظهر في الكليب(وقتها خايفين عالافريقي من سليم الرياحي ) و كلاي غنى زادة لأسباب أخرى منها انو كلاشى kafon على خاطرو غنى في الحملة الإنتخابية متاع سليم …و اللي نعرفو اللي كلاي ما فيبالوش بالموضوع و زيد ما وصلو حتى فرنك مالخمسة ملاين اللي تعطات للشخص اللي اكتشفنا فيما بعد اللي هو خذاهم و ما تصرف منهم حتى فرنك عالكليب …
هذي شهادة للتاريخ باش كل واحد يتحمل مسؤوليتو انا مديت وجهي من غير ما نعرف كلمات الأغنية اللي تسب فيها زادة kafon و نبيل القروي و انا وقتها ما عندي حتى مشكلة معاهم و ماشي فيبالي ضد سليم الرياحي الغناية …
و كلاي خاطيه و ما فيبالوش عمل غناية و السلام …
و مبروك الخمسة ملاين على عزيز عمامي اللي اوهم الناس الكل و خدم باصحابو اللي منهم انا …
انا اللي حكيت الحكاية لBorhen Bssaisو اليوم اسمي تجبد …هذاكة علاش حبيت نوضح خاصة للناس اللي تحب كلاي bbj اللي راهو مافيبالوش بالموضوع أصلا …و اللي لا انا لا هو خذينا فرنك “
كلاي بي بي جي يردّ :
وفي سياق متصل نشر فنان الراب أحمد بن أحمد الشهير بكلاي BBJ مقطع فيديو عبر صفحته الرسمية تضمّن اتصالا هاتفيا جمعه بالاعلامي برهان بسيس .
وظهر في المقطع بسيس وهو يقدم اعتذاره لكلاي مؤكدا له انه لم يقصد اتهامه بتلقي رشوة لاصدار الاغنية لكنه قصد بأن وراء الاغنية اطراف وغايات سياسية لم يكن هو “يقصد كلاي ” على علم بها ، وأنهم استغلوه لتنفيذ غاياتهم السياسية دون علمه .
جدير بالذكر اننا اتصلنا برجل الاعمال شفيق الجراية وبالمدون عزيز عمامي لمعرفة موقفهما من تلك التصريحات لكن لم نتحصل عليهما .
